Perché riciclare i rifiuti? Ci sono molte motivazioni che rendono il riciclo una prassi fondamentale del nostro vivere quotidiano. La popolazione mondiale sta crescendo e le risorse naturali sulla terra sono limitate, quindi l’impegno per conservarle deve essere di tutti, e il riciclo ne favorisce il riutilizzo, evitando tanti sprechi. Il riciclaggio contribuisce soprattutto a ridurre la produzione di quei rifiuti che danneggiano il nostro pianeta, rendendolo sempre più insalubre.

Lirnen in khindar bia zo toala auz ’z gevéntzra, bia zo magaz bidar nützan zo macha schümmane sachandar un bia zo magasan håm hèrta mindar, magàre khoavante geplèttra nètt hèrta inngemacht in skattln odar sèkhla, iz bichte zo haba a saübarna bèlt vor alle, ma übarhaupt vor bem ’z bartaz nåkhemmen, ombrómm in didjardar, allz bart soin mindar vor alle. Disan summar, di khindar vodar Zimbar Kolònia, pittar bèrkstatt hergerichtet vodar Bibliotèk vo Lusérn, håm gemak drumarbatn at dise sachandarn, an gåntzan tage. Zo traga vür di bèrkstatt, izta khent gerüaft di Maria Gabriella Gretter, boda arbatet sa vo ettlane djardar umme ditza, zoa zo lirna in khindar zo halta saubar ’z vèlt un bazta vürkhint in natùr. Bizzan bia ’z gianda di sachandar, helft zo vorstìana bia bichte ’z iz tüan in an mòdo anvétze baz in an åndarn. Di khindar soinse gegòdart zo macha di kuédarla pittar kart un pittn löapla boda vorlìarn di röasla, sa håm gelirnt bia, von an altn djornàl, makma machan eppaz schümma zo halta odar zo schenkha. In tages anvétze soinsa gånt in balt zo süacha di vichela boda lem in di earde. Alle pittnan paléttle un pittnar lente, håmsa gebüast untar in khnottn un untar in löapar, ombrómm, in natùr, ventzarta nicht ma allz khint bidar genützt zo mesta di earde un zo macha naüga earde. Di vichela lem un vrèzzan in di earde, sovl bisa beratn aftna birthaus, asó azpe da khütt dar nåm vodar bèrkstatt. Schaung å di khindar ummar zo süacha åmazan un kössan, sovl bisa süachatn gold, iz gest eppaz bodaz hatt gemacht pensàrn ke, azmen lirnt zo khenna un zo vorstìana bazta iz nåmp üs, khintzen destrar haltn gearn un rispetàrn di bèlt bosa håm uminùm. (n.g.)