Anche quest’anno la strada SP133 del Menador fa parlare di sé in tutta Europa: basta collegarsi a qualsiasi motore di ricerca tedesco, francese, svizzero o olandese ed il binomio bicicletta – Kaiserjägerstrasse balza subito all’occhio. Sono infatti moltissime le persone di ogni età e provenienza che nella bella stagione e di mattina presto si cimentano nella salita da Caldonazzo a Monterovere.

Summar, zait vo fèrie, boda bill munen gian ummmar, rastn, machan spòrt. In a bort: turìsmo. In ünsarna provìntz di stadjóng vo haür iz nå zo giana gerècht. Dòpo an madjo ågiheft malamèntar pittnan starchan kalo vo preséntze peng daz schaüla bèttar, sunjo un ludjo soin gånt vür gåntz pezzar, tragante her a bolta segno turìstn. Asó bi bar sa bizzan, vil laüt zornìrn ünsarna earde vor di fèrie vor allz daz sèll bodada iz z’sega, zo maga rastn in di rue, un zo macha spòrt: ummar zo vuaz pa staigela, krabln au pa pèrng, machan rafting, gian pinn rat, un ploaz åndarst boda biar bobar lem da bizzan njånka. Zo vorstìanasan mearar vo bazta ziaget da di laüt iz ginùmma süachan aft internet, z’sega bazta di turìstn schraim, kontàrn, un zoang in tschelln. Tüanante asó darvértma sachandar bo ma hebat nia pensàrt, azpe ploaz site boda ren von staigele von Sambinélo odar von plètz von sbemm in di beldar vodar Hoachebene. Ma di meararst djukhan drau af di siti ploaz foto un video von bege von Las, gimacht pinn rat. Zo macha alméno a bòtta in lem in Kaiserjägerweg schupfante afti pedéln, khemmensa her vo dar gåntzan Euròpa: belese, taütsche, olandesan un frantschesan o, boda khön un schraim ke disar bege iz ummana von pestn pontàrn von Beleschlånt, nåmp in sèllnen von Giava, von Giau un von Duran. Ummandar schraibet ke dar hatt gimacht in Las pinn rat sa ununviartzekh vert, åna nonet zo håbaz dartånt in mindar baz an ur, an åndadar khütt ke dar peste tòkko iz dar sèll zöbrest, dar stìkhlarste. “Dar Las iz a pontàr boda macht spaim in stoap auz von maul, un auvardjukhan di polmü” – schraibeta dar Enrico vo Bologna – “I pinn a ratfarar ma azpe alle moche ogni tånto nützan in auto: Dar Las però vor mi bart hèrta soin dar bege vor ’z gisbìtza von sèllnen boden machan pinn rat.”

AvT