BERSNTOL. En 2017 hòt s gahòp an ettlena naiaòrbetn en de museen van Tol. De earste naieket ist gaben, as de Mil ist kemmen bider augatu' derno as ver an ettlena jarder ist se gaben sperrt.

De mil ist hait en an ourt bou as òlls ist bider nai', aa ver an projekt va de Gamoa' va Garait. .

De gamoa' hòt gamòcht naia dinger ver za meing mòchen schea'ner der ourt.

En doi park vinnt men an modell as lòkt schaung abia as funzioniart de mil.

Men mu gea' glaim za schaung abia as s bòsser meivert de reider ont de mekanisch va de mil.

Semm oum, glaim en de uas van bòsser, vinnt men an òcker pet an zau' bou men bart sa'n an ettlena schòrtn va kourn. En doi ourt sai' aa kemmen paroatn nai holzspiln. (m.p.b.)