“Verba Alpina” è un progetto internazionale, diretto dall’Università Ludwig Maximilian di Monaco di Baviera e finanziato dal DFG, l’ente nazionale per la ricerca in Germania. Obiettivo principale del progetto è rendere disponibile e di facile accesso il ricco repertorio lessicale di tutte le lingue dell’arco alpino, superando le restrizioni dei territori nazionali, imposte dai confini politici.

I principali campi analizzati dal progetto riguardano la natura, la cultura storica e quella attuale. Nucleo del progetto è la carta interattiva georeferenziata, uno strumento facilmente accessibile a tutti e che vi invitiamo ad arricchire con quanti più termini potete della nostra lingua cimbra, accedendo attraverso il link: https://www.verba-alpina.gwi.uni-muenchen.de/en/?page_id=1741&db=191

Verba Alpina iz a bichtegar prodjèkht boda iz khent augilekk vodar Università Ludwig Maximilian vo Mònako un boda bill aulesan bi mearar börtar ma mage von zungen boda khemmen giredet afti Alpen. Daz sèll boda iz gåntz bichte von prodjèkht iz ke ’z khemmenda augilest nètt lai di börtar von “groazan zungen” boda ren vil laüt ma von alln in mindarhaitzungen o, schaugante nètt å di politìschen grentzan boda soin zbisnen in lentar.

Di arbat hatt ågihef ’z djar 2014 un bart rivan ’z djar 2025: vor di earstn drai djar soinda khent gilekk panåndar alle di börtar boda håm zo tüana pittar arbat atti pèrng, daz earst von alln di börtar von sachandarn boma nützt zo arbata pittar milch un zo macha in khes.

Est, von bintmånat 2017 attn bintmånat 2020, khemmenda augilest o alle di börtar vo roasan, gegrés, puamen un vichar von ünsarn beldar, un alle di börtar gipuntet pinn bèttar un pittar earde. Von 2020 in vort bartnda khemmen augilest alle di börtar boma nützt haützotage in da modèrnege bèlt.

Alle di laüt mang nemmen toal in prodjèkht, tüat gian atti websait https://www.verba-alpina.gwi.uni-muenchen.de/it/?page_id=10&db=191, drukhan att “Partecipa! ”, zornìrn di zung boma böllt lesan di börtar (belesch, taütsch, frantzéz odar slovèno), un spetar süachan “Zimbrisch” - di zung boma bart nützan innzoschraiba di börtar. Dena iz genùmma auzsüachan “Luserna” alz kamòu, auzsüachan ’z bort boma bill übarsetzan drukhante at “Concetto”, schraimz azpe biar un schikhan allz. Azma velt makma hèrta auzpezzarn odar auzstraichan daz sèll boma hatt geschribet un azta a bort izta nètt makmaz innleng alz ummaz drukhante at “+ Proporre un concetto”. Nembaraz alle a migele zait zo geba a hånt auzolesa dise börtar vodar üsar zung! (E.v.K.)