Il Pellegrinaggio della terza domenica di settembre Madonna dell’Addolorata, fino a Pietralba, è una tradizione importante per la nostra comunità.

Haier aa, abia òll jor, va vil jarder schoa’, der bersntoler ont vil òndra lait aa, hom toalganommen en Pellegrinaggio as Baisnstoa’.

De doin lait gea’ vort, va Vlarotz, en de nòcht zbischn vraita ont sònzta, um drai de nòcht !

Iber joch, durch de pèrng, sbischn de derver, finz as Baisnstoa’ 1520 meter hoa.

S ist an òlta tròcht ver de lait as nemmen toal en de doi lòng roas, ungefer visk kilometre za vuas, ont gea’ za vuas ver zbelf stunnen.

Pet an jats bètter : schea’ oder scheila bètter.

Dos vòrt hòt toalganommen aa, a diarn va de Spagna.

En sònzta zobenz un vinva, de earstn aribarn kan Santuario, ont derno um sima der pfòff don Daniele, sogt de haile Mess ver òlla de lait as sai’ kemmen za vuas va òlla de derver.

No Mess, haier de mearestn lait, sai’ kemmen za ruck hoa’m, a’ne hòltn se au as Baisnstoa’! (mpb)