Identificazione del territorio e denominazione di luoghi attraverso nomi che ci riportano alle caratteristiche del luogo. In Valle dei Mòcheni sono numerosi gli esempi che rimandano a caratteristiche delle specie arboree.

De na’m van eirter sai’ u’stimmt asou za derkennen sa, ont za prauchen de glaichen platz pet de òndern lait va de gamoa’schòft.

Pet en learnen de sai’ gschicht de na’m, vil vert, helven za verstea’ abia as de platz sai’ gamòcht ont ver bos as de sai’ kemmen praucht.

En Bersntol vil sai’ de na’m gem ver de schòrt va pa’m oder va gagreisera as bòcksn en sèll ourt.

Zan paispil, s bourt : Oachlait.

Oach ver de sai’na vil oachen, ont lait, ver en plòtz runt roa’ne.

Gor der nu’m Oachpèrg, s balsch lònt as de rèchte sait van Bersntol, as bersntolerisch billt song pèrg va oachen.

Gor de na’m va kloa’na ourtn, abia Ialtol, as kimmp va ial ont tol, oder Kerschpa’m, lòng sechen abia bichte as sai’ de gagreisera ont de pa’m ver za kennen s lònt. (mpb)