An iatz jor ver òlla de lait as sai' enteressiart za gea' za learnen s taitsch, s Bersntoler Kulturinstitut, mòcht an bando.

De kandidatn as meing vrong a hilf, sai' de sèlln as toalnemmen en an taitschkurs en jor 2018, en Sudtirol, en Österraich oder en Taitschlònt. En bando mu men ausschaung ont aronemmen òlla de regln, ver de vrog.

Der bando bart kemmen gadruckt en a kurza zait. S Kulturinstitut mu zuazoln finz as en 80 prozent van kostn (innschraibkostn, kostn van quartiar bail en kurs, gea' ont kemmen zaruck dahoa'm ont kostn ver za èssn) òlls mu men kriang speiter aa.

De doi hilf ist ver de lait as lem en de drai gamoa'n van Bersntol oder en lait as de sai'na eltern oder de nu'ne, sai' galept en Garait, Vlarotz oder Palai en Bersntol.

Ber as ist enteressiart, mu u'riaven kan Bersntoler Kulturinstitut kan numer 0461-550073.