De bersntoler jungen, hom u’ganommen der doi projekt ver de social network, as der ist bichte ver za trong envire ont giltn haupzèchlech de bersntolerische sproch. De jungen gea’ umanònder en de derver van tol, en de familie, za schaung aus, ont tea’ aronemmen per letratn oder video, an iatz ding, as gib kròft en de identitet va de bersntoler minderhait.

De doi zòmmòrbet van jungen tuat òlbe mear schitzn de standard grammatik, bavai de dinger en internet sai’ tschrim ont ausgaleikt ver za gem òlbe mear gilt za verstea’ ont studiarn de regeln.

Dos ist bichte, bavai s ist der oa’zege vurm, ver za meing schraim as bersntolerisch. 

S aukennmentsch van computer ist der learer Francesco Bindi, as der organiziart ont untersuacht zòmm pet der doi òrbetgruppe.