Bersntol. Il rito della “Stella” a Fierozzo S. Felice e Fierozzo S. Francesco si svolge nei giorni di Capodanno, ed Epifania. A Palù il rito della “Stella” si svolge in tre giorni : ultimo giorno dell’anno, Capodanno ed Epifania. Il gruppo degli stellari si forma spontaneamente ed il numero dei componenti può variare di anno in anno. Le tradizionali canzoni in italiano e in latino vengono cantate di maso in maso, in ogni casa del paese.

Bersntol. Gea’ za singen de “Stela” ist oa's van schea’nest praich mear kennt en Bersntol. De leist boch van jor, de stelare vongen u’ za paroatn de Stela.

En de Bainecht zait, en an ettlena malder u'stimmpt va de tròcht, en de derver va Palai, va Vlarotz ont va Auserpèrg, kimmpt tschunngen de Stela.

Kittler kinder, junga, mander ont de koskrittn, as trong mit a groasa Stela u’gahenkt pet an stift tscheiberestn an longen stèck ont singen en an iatz haus hailege litler, en balsch ont latainesch. S kittl ist vraibilleg ont oa’s kimmp u’stellt za nemmen au de opfer ver de messn ver de ormensealn van dorf ont ver bos as de kirch hòt noat.

De zboa derver van tol, bou as kimmp tschungen de “Stela” - a vòrt pratikiart en gònze sait van Alpn - hom gahòltn de haile tròcht òlbe glaich en de jarder.

De familie bòrtn pet vrait de singer pet de Stela, as ist an moment za vinnen se zòmm.

De Stela va Vlarotz. En Inderpèrg, en Mitterpèrg ont en Auserpèrg, de malder as de singen de Stela sai’ zboa: en Naijorto zobenz ont en Geimòchto zobenz, ont de pasuachen an iats haus en òlla de heff.

De kanzandler as de singen sai’ drai: “Noi siamo i Tre Re”, “Puer Natus” ont “Orsù innalziamo un canto”.

De Stela va Palai. De malder as de singen de Stela en Palai sai’ drai: s leist van jor zobenz, en Auserpòch ( s u’vong van lònt), en Naijorto zobenz en Inderpòch (en de inder sait ) ont en Geimòchto zobenz singen se en de sim derver as doin jor sai’ gaben de haupt derver van lònt. De koskrittn miasn u’richtn de Stela ont trong sa en gònze dorf. De kanzandler as de singen sai’ sima:

Per tua somma clemenza, Tre re, Dolce felice notte, Iddio è benedetto, L’unico figlio, Oggi è quel giorno santo, Puer natus. (m.p.b.)